काठमाडौँ । सत्तारूढ गठबन्धनले सर्लाही–२ मा नेपाल समाजवादी पार्टीका अध्यक्ष महिन्द्र राय यादवलाई आफ्ना आधिकारिक उम्मेदवार भएको बताएको छ ।
गठबन्धनका शीर्ष नेताहरूले विज्ञप्ति जारी गर्दै यादव साझा उम्मेदवार भएको जानकारी दिएका हुन् ।
यो क्षेत्रमा लोकतान्त्रिक समाजवादी पार्टी (लोसपा)का राजेन्द्र महतो पनि उम्मेदवार छन् । लोसपाले मंसिर ४ मा हुने चुनावका लागि सत्ता गठबन्धनसँग तालमेल गरेको छ ।
चुनावी तालमेल गरेका लोसपाका महतो र माओवादी केन्द्रको चुनाव चिन्हबाट चुनाव लडेका यादवमध्ये को गठबन्धनको साझा उम्मेदवार हो भन्ने अन्यौलकाबीच अन्ततः शीर्ष नेताहरूले यादव आधिकारिक उम्मेदवार बताएका हुन् ।
