काठमाडौं । आगामी मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि पहिलो हुने निर्वाचित हुने निर्वाचन प्रणालीतर्फ उम्मेदवारको मनोनयनपत्र दर्ता सुरु भएको छ ।
बिहान १० बजेदेखि अपराह्न ५ बजेसम्म सम्बन्धित मुख्य निर्वाचन अधिकृत तथा निर्वाचन अधिकृतको कार्यालयमा उम्मेदवार आफैँ वा उम्मेदवारका प्रतिनिधि र वारेसनामाबाट पनि मनोनयनपत्र दर्ता गर्न सकिने निर्वाचन आयोगले जनाएको छ ।
निर्वाचन आयोगका अनुसार पहिलो हुने निर्वाचित हुने निर्वाचन प्रणाली अन्तर्गत आज प्रतिनिधि सभा तथा प्रदेश सभा सदस्यका लागि उम्मेदवारी दर्ताको काम देशभरि भइरहेको छ।
आयोगका अनुसार पहिला उम्मेदवारी दर्ता गराउनेहरूमा प्रतिनिधि सभातर्फ हिक्मतबहादुर विष्ट,कालिकोटर प्रबलबहादुर केसी,सोलुखुम्बु रहनु भएको छ ।
