कलैया । राप्रपा नेपालका महामन्त्री राजाराम बर्तौलाले पाँच दलिय गठबन्धनले मुलुकको समस्याको सम्बोधन गर्न नसक्ने र निकास दिन नसक्ने ठोकुवा गरेका छन् ।
आज बाराको कलैयामा चुनाबी कार्यालयको उद्घाटन गर्दै बर्तैलाले गठबन्धनले भ्रष्टाचार , कुशासन ,बेरोजगारी र बेतिथीलाई मात्र प्रोत्साहन गरेको आरोप लगाए । ‘गठबन्धन सङ्ग कुनै नवीन र दिर्घकालिन सोच छैनू बर्तौलाले थपे । सत्ता ,शक्ति र स्वार्थ पुर्तिको निमित्त गठबन्धन निर्माण गरिएको उनको कथन थियो । ‘काले काले मिलेर खाँउ भाले भनेर गठबन्धन बनेको छ ,त्यो सफल हुदैन ‘ उनले भने ।
राष्ट्रबादी शक्तिको जितले मात्र मुलुक स्वाधिन र समृद्ध हुने बर्तौलाको कथन थियो । कार्यक्रममा शिव प्रसाद तिमल्सिना , गुरु सापकोटा , मन्जुर मिया लगायतले बोलेका थिए ।
