काठमाडौं । सरकारले अफगानिस्तानमा रहेका नेपालीहरुको शीघ्र उद्धार गर्ने निर्णय गरेको छ ।
सोमबार विहान बसेको मन्त्रिपरिषद्को बैठकले नेपालीहरुको शीघ्र उद्धार गर्ने निर्णय गरेको हो ।
अफगानिस्तानमा विद्रोही समूह तालिबानले नियन्त्रणमा लिएपछि राजधानी काबुलमा भयको वातावरण बनेको छ । विमानस्थलमा काबुल छाड्न चाहनेहरुको चाप बढेको छ ।
यस्तै बैठकले बेलायतको लन्डनमा जारी भूतपूर्व ब्रिटिस गोर्खा सैनिकहरूको आमरण अनसनलगायतका विरोधमा कार्यक्रम फिर्ता लिन पनि आह्वान गरेको छ ।
उनीहरूका माग कूटनीतिक पहलमार्फत् सम्बोधन गर्ने प्रतिबद्धता जनाउँदै आमरण अनसनसहितको विरोधको कार्यक्रम फिर्ता लिन आह्वान गरिएको हो ।