काठमाडौँ । राष्ट्रिय सभा अध्यक्ष गणेशप्रसाद तिमिल्सिनाले संघीय संसद् व्यवस्थापन समितिको असोज ५ को बैठकले गरेका निर्णय कार्यान्वयन नगराउन संघीय संसद्का महासचिव भरतराज गौतमलाई पत्र लेख्नु भएको छ ।
सभामुख अग्निप्रसाद सापकोटाको कार्यकाल समाप्त भएको र उनको अध्यक्षतामा अवैधानिक बैठक बसी निर्णय भएको भन्दै अध्यक्ष तिमिल्सिनाले महासचिव गौतमलाई पत्र लेख्दै कार्यन्वयन नगर्न निर्देशन दिनुभएको हो ।
पत्रमा प्रतिनिधिसभाको कार्यकाल उम्मेदवारी दर्ता हुने दिनसम्म रहने ब्याख्या गर्दै तिमिल्सिनाले महासचिवलाई लेखेको पत्रमा लेखिएको छ संविधान, प्रचलित कानुन र अभ्यासअनुरुप पदावधि मान्नुपर्ने र त्यस आधारमा सभामुख र उपसभामुखको कार्यकाल सकिएको अबस्था छ ।
तिमिल्सिनाले प्रतिनिधिसभा सभामुख र उपसभामुखको कार्यकाल सकिएको हो कि होइन भन्दै निर्वाचन आयोगलाई पत्र समेत पठाउनु भएको छ ।
