• २ असार २०८१, आईतवार
  •      Sun Jun 16 2024
  •   Unicode
Logo
Latest
★   प्रतिनिधिसभामा आज तीन वटा मन्त्रालयको बजेटमाथि छलफल हुने ★   राष्ट्रपति पौडेल जर्मनीमा ★   ओली र लामिछानेले किन दाहाललाई तर्साउन थाले ? ★   हारेको खेलबाट नेपालले जितेको प्रशंसा, देश भित्रको अवस्था भने दयालाग्दो ★   पेट्रोल, डिजल र मट्टीतेलको भाउ घट्यो ★   बागमती प्रदेशः ६४ अर्ब ५४ करोड चार लाख ३१ हजार बजेट विनियोजन ★   सुदूरपश्चिम प्रदेशः रु ३१ अर्ब ६२ करोड बजेट पेस ★   एमाले संसदीय दल बैठक–कानून निर्माणमा चनाखो भएर भुमिका निर्वाह गर्न अध्यक्ष ओलीको निर्देशन ★   कोशी प्रदेशः ३५ अर्ब २७ करोडको बजेट सार्वजनिक ★   गण्डकी प्रदेशः आगामी आवका लागि रु ३२ अर्ब ९७ करोड बजेट

राप्रपाले रवीन्द्र मिश्रलाई वरिष्ठ उपाध्यक्ष दिन तयार



फाईल फोटो

काठमाडौँ । राष्ट्रिय प्रजातन्त्र पार्टी (राप्रपा) विवेकशील साझा पार्टीका पूर्वअध्यक्ष रवीन्द्र मिश्रलाई पार्टीको वरिष्ठ उपाध्यक्ष पद दिन तयार भएको छ ।

राप्रपाको बिहीबार बसेको कार्यसम्पादन समितिको बैठकमा राप्रपा अध्यक्ष राजेन्द्र लिङ्देनले मिश्रसँग भएको छलफलबारे जानकारी गराउँदै मिश्रलाई वरिष्ठ उपाध्यक्ष पद दिएर भए पनि पार्टीमा ल्याउनुपर्ने प्रस्ताव गर्नुभएको बताइएको छ ।

राप्रपा उपाध्यक्ष बुद्धिमान तामाङले मिश्रलाई पार्टीमा वरिष्ठ उपाध्यक्ष पद दिन आफू बाधक नभएको तर बाहिर आफू बाधक भएको भनेर गरिएको प्रचारप्रति असन्तुष्टि जनाउनुभएको थियो ।

उपाध्यक्षत्रय तामाङ, धु्रवबहादुर प्रधान र रोशन कार्कीले पार्टीमा २०÷३० वर्षदेखि काम गर्दै आएका नेता तथा कार्यकर्ताको मानमर्दन गर्न नहुने बताउनुभयो ।

यद्यपि सल्लाहकार परिषद्का अध्यक्ष निरञ्जन थापाले भने निर्वाचित उपाध्यक्षहरुभन्दा तल रहने गरी मिश्रलाई पार्टीमा ल्याउन सुझाव दिनुभएको थियो । पार्टीमा अहिले निर्वाचित उपाध्यक्षमा तामाङ, विक्रम पाण्डे, प्रधान र कार्की रहनुभएको छ ।

पार्टी अध्यक्ष लिङ्देनसँग पार्टी अध्यक्षपछिको पहिलो वरियता पाउनुपर्ने मिश्रले माग गरेको बताइएको छ । मिश्र पार्टीमा आउने पक्का भएको अवस्थामा सबैको सम्मान हुनेगरी वरियता मिलाउन पार्टी अध्यक्षलाई जिम्मेबारी दिइएको बताइएको छ ।