काठमाडौं । सिंहदरबारमा मन्त्रिपरिषद बैठक जारी छ । सिंहदरबारस्थित प्रधनमन्त्री तथा मन्त्रिपरिषदको कार्यालयमा नियमित बैठक बसेको हो । बैठकमा समसामयिक राजनीतिक विषयवस्तु र दैनिक प्रशासनिक काम कारबाहीबारे छलफल भईरहेको बालुवाटार स्रोतले बताएको छ । त्यस्तै केही प्रदेशका प्रदेश प्रमुख परिवर्तन गर्ने सम्बन्धमा पनि छलफल भइरहेको बताइएको छ ।
मंगलबार बसेको मन्त्रिपरिषद् बैठकले राजनीतिक दलसम्बन्धी अध्यादेश जारी गर्न सिफारिस गरेको थियो राष्ट्रपतिबाट अध्यादेश जारी भएपछि बुधबारै माधवकुमार नेपालको अध्यक्षतामा नयाँ दल नेकपा एमाले समाजवादी बनेको छ ।
यद्यपि पार्टीको चुनाव चिन्ह्को विषयमा ठोस निर्णय भइसकेको छैन । यस्तै जनता समाजवादी पार्टीका महन्थ ठाकुर पक्षले जनता समाजवादी पार्टी (लोकतान्त्रिक) राखेर निवेदन दिएको छ। दलको चुनाव चिन्ह साइकल हुने भएको छ।
