काठमाडौँ । आगामी मंसिर ४ गते हुने प्रतिनिधिसभा निर्वाचनका लागि दाङ निर्वाचन क्षेत्र नम्बर २ बाट पूर्वसभामुख कृष्णबहादुर महरा सिफारिस भएका छन् ।
नेकपा माओवादी केन्द्रको आज आइतबार घोराहीमा बसेको जिल्लास्तरीय भेलाले महराको नाम सर्वसम्मत सिफारिस गरेको हो ।
२०७४ को प्रतिनिधिसभामा तत्कालीन वाम गठबन्धनका साझा उम्मेदवार रहेर महरा सोही क्षेत्रबाट विजयी बनेका थिए ।
सोही क्षेत्रमा नेकपा एमालेका तर्फबाट महासचिव शंकर पोखरेल पनि एकल सिफारिस भइसकेका छन् । तसर्थ यी दुई ‘हेभिवेट’ नेताहरुबीचबको प्रतिस्पर्धा रोचक हुने देखिन्छ ।
