काठमाडौं । एएफसी यू–२० एसियन कप छनोट अन्तर्गत नेपालले आज शनिबार भुटानको सामना गर्दैछ ।
शेख अलि बिन मोहमद अल खालिफा स्टेडियममा नेपालले भुटानविरुद्ध खेल्दै छनोटको सुरुवात गर्न लागेको हो । नेपाल र भुटानबीचको खेल राति ८ः४५ बजे सुरु हुनेछ ।
छनोटको समूह ‘बी’ मा रहेको नेपाल भुटानलाई हराएर सुखद सुरुवात गर्ने योजनामा रहेको छ । अर्कोतर्फ भुटान पनि नेपाललाई हराएर विजयी सुरुवात गर्ने योजनाका साथ मैदानमा उत्रनेछ । नेपालको समूहमा भुटानसँगै कतार, बहराइन र बंगालादेश छन्।
यस्तै नेपालले दोस्रो खेलमा सोमबार कतारसँग खेल्नेछ भने बिहीबार बहराइनसँग खेल्दा बंगलादेशसँग अर्को हप्ताको आइतबार अन्तिम खेल खेल्नेछ ।
समूह विजेता सन् २०२३ मा उज्वेकिस्तानमा आयोजना हुने यू–२० एसियन कपमा छनोट हुनेछ ।
