काठमाडौंः न्याय परिषदले मुख्य न्यायाधीश र उच्च अदालतका न्यायाधीशहरु छनौट गरी नियुक्तिको लागि सम्भाव्य व्यक्तिहरुको संक्षिप्त सूची सार्वजनिक गरेको छ ।
न्याय परिषद सचिवालयले न्यायाधीश नियुक्तिका सम्बन्धमा कुनै उजुरी भए एक साता भित्र सचिवालयमा जानकारी गराउन आज सूचना प्रकाशन गरेको छ ।
न्याय परिषदका अनुसार, मुख्य न्यायाधीशका लागि १५ जना र उच्च अदालतका न्यायाधीशका लागि ८१ जनाको नाम सिफारिस गरिएको छ ।
मुख्य न्यायाधीशका लागि सिफारिस भएकाहरु सबै उच्च अदालतमा कार्यरत न्यायाधीशहरु हुनुहुन्छ ।
