• १० श्रावण २०८१, बिहीबार
  •      Thu Jul 25 2024
  •   Unicode
Logo

गोंगबु बसपार्क क्षेत्रमा चल्यो महानगरको डोजर



काठमाडौँ । काठमाडौँ महानगरपालिकाले बालाजुको गोंगबु बसपार्क क्षेत्रमा रहेका अवैध संरचना हटाउन थालेको छ ।

महानगर प्रहरीका अनुसार अहिले गोंगबु बसपार्क क्षेत्रमा अवैधानिक तवरले निर्माण गरिएका संरचना र फुटपाट मिचेर बनाइएका संरचना हटाउने काम भइरहेको छ ।

आइतबार कोटेश्वर क्षेत्रको अवैध संरचना हटाएको महानगरले सोमबार गोंगबु बसपार्क क्षेत्रका अनधिकृत संरचना हटाउन थालेको हो ।

महानगरले म्हैपीदेवीबाट मित्रनगरतर्फ जाने सडकमा डोजर प्रयोग गरेर अवैध संरचना हटाउने काम गरिरहेको छ ।

अवैध संरचना हटाएको हेर्न भीड बढेपछि महानगर प्रहरीले बल प्रयोग गरेर सो क्षेत्र खाली गराएको छ ।

यसअघि महानगरले आइतबार कोटेश्वर क्षेत्रको अवैध संरचना हटाएको थियो ।