काठमाडौं । इन्द्रजात्राका अवसरमा हनुमान ढोका परिसरमा ठड्याउन भक्तपुरको सूर्यविनायक नगरपालिका– १० चित्तापोल जङ्गलबाट काटेर ल्याईएको योसिँ लिङ्गो हनुमानढोका परिसर पु-याईएको छ ।
आईतबार बिहान गुर्जुको पल्टनबाट तोप पड्काएर बढाइँ दिँदै योसिँ लिङ्गो हनुमानढोका परिसर पु-याईएको हो ।
काठमाडौँका राजा जयप्रकाश मल्लको पालादेखि यो प्रचलन सुरु भएको मानिन्छ । विगत वर्षमा जङ्गलदेखि मानन्धर समुदायका गुठीयारले अरनिको राजमार्ग हुँदै भोटाहिटीसम्म तानेर ल्याउने चलन रहेको थियो । तर कोभिड– २०१९ को माहामारीदेखि गाडीमार्फत भोटाहिटीसम्म पु¥याउने गरिएको छ ।
चारदिन अघि भोटोहिटीमा ल्याएको योसिँ ‘लिङ्गो’ आइतबार बिहान असन, बालकुमारी, इन्द्रचोक हुँदै हनुमानढोका परिसर पु-याईएको हो ।
यतिबेला इन्द्रजात्राका दिन वसन्तपुर परिसरबाट सुरु हुने जीवित देवी श्री कुमारी, श्री गणेश र श्री भैरवको रथ जात्राका तयारी गर्न जुटेका गुठीयार जुटेका छन् । इन्द्रजात्रा पूर्वसन्ध्यामा गद्दी बैठकमा रङ्गरोगन तथा सिँगारपटार गर्ने काम धमाधम भै रहेको छ ।
इन्द्रजात्रामा दिन वसन्तपुर परिसरबाट सुरु हुने जीवित देवी श्री कुमारी, श्री गणेश र श्री भैरवको रथ जात्राका लागि तयारी अवस्था राखिएको छ ।
