काठमाडौं । प्रस्तावित एकीकृत समाजवादी पार्टी चार महिनापछि देशकै सबैभन्दा ठूलो पार्टी बन्ने नेता मेटमणि चौधरीले दावी गरेका छन् । त्यस्तै चौधरीले एमालेसँग कुनै पनि सहकार्य नहुने पनि बताएका छन् । सञ्चारकर्मीहरुसंग बोल्दै चौधरीले नेकपा माओवादी केन्द्रलगायतका कम्युनिष्ट घटकसँग भने पार्टी एकता गर्ने जानकारी दिए ।
आफूहरुले सोचेभन्दा धेरैको सनाखत भएको पनि चौधरीले बताएका छन् । चौधरीका अनुसार अहिलेसम्म ५५ जना केन्द्रीय सदस्य र २९ जना सांसदको सनाखत भइसकेको सञ्चारकर्मीहरुलाई जानकारी दिएका हुन् ।
प्रस्तावित एकीकृत समाजवादी पार्टीमा एकल अध्यक्ष हुने पनि चौधरीले जानकारी दिएका छन् ।
