एजेन्सी । भारतको ट्वीन टावरका रुपमा परिचित नोएडाका २ वटा विशाल भवन आज भत्काइँदैछ । नोएडाको सेक्टर ९३ एको सुपरटेक टावरलाई सर्वोच्च अदालतको आदेशपछि भत्काउन लागिएको हो ।
१०० मिटरभन्दा अग्लो दुवै टावर ध्वस्त हुन १२ सेकेण्ड मात्र लाग्नेछ । बिहान ७ बजे आसपासको सोसाइटीमा बसोबास गर्ने करिब ७ हजार मानिसलाई विष्फोट जोनबाट हटाइएको छ । अब ट्विन टावर नजिक जान सबैलाई प्रतिबन्धित गरिएको छ ।
भारतीय सञ्चारमाध्यमका अनुसार अहिले ट्विन टावर नजिक प्रहरी मात्रै तैनाथ छन् । दिउँसो १ बजे डेढ किलोमिटरको दायरा भित्रका सबैलाई हटाइनेछ । त्यहाँ भत्काउने टोली मात्र उपस्थित हुनेछ ।
विस्फोट हुँदा भवन भग्नावशेषमा परिणत हुनेछ । कुतुबमिनारबाट ट्वीन टावरबाट ठ्याक्कै ९ मिटर टाढा छ । यहाँ ६५० फ्ल्याटमा लगभग २५०० मानिसहरू बस्छन् । यहाँका जनता सबैभन्दा बढी पीडित छन् ।
ट्विन टावर भत्काउने जिम्मा एडिफिस नामको कम्पनीले पाएको छ । आयोजना प्रबन्धक मयुर मेहताको निगरानीमा यो काम भइरहेको छ । भवनमा ३ हजार ७ सय केजी बारूद भरिएको उनीहरुको भनाइ छ । पिलरहरुमा लामो प्वालहरू बनाई बारूदले भरिनेछ । ‘फ्लोर टु फ्लोर’ जडान पनि गरिएको छ ।
३१ अगस्त २०२१ मा, सर्वोच्च अदालतले नोएडा सेक्टर ९३ ए मा निर्मित ट्विन टावरहलाई गैरकानूनी घोषित गर्दै भत्काउने आदेश दिएको थियो । ट्विन टावर छेउमा रहेको सोसाइटीका आरडब्लुएले ती टावरहरु अवैध रुपमा निर्माण भएको भन्दै अदालतमा उजुरी दिएका थिए ।
