एजेन्सी
मुम्बई । भारतीय अभिनेता अमिताभ बच्चन पनि कोभिड पोजिटिभ भएका छन् । अमिताभले सामाजिक सञ्जालमा यो जानकारी दिएका हुन् । साथै उनले उनको सम्पर्कमा आएका सबैलाई आफ्नो परीक्षण गराउन अपिल समेत गरेका छन् ।
अहिले अमिताभ बच्चन ‘कौन बनेगा करोडपति १४’ को सुटिङमा व्यस्त छन् । तर, सेटमा सुटिङका क्रममा उनले धेरै सावधानी अपनाइरहेका थिए ।
तर अमिताभले आफूमा लक्षण देखिएको छ वा छैन भन्ने कुरा भने खुलाएका छैनन् । उनले आफू अस्पताल वा घरमा छन् भन्ने पनि बताएका छैनन् । यस बाहेक उनलाई कहाँबाट र कसरी कोरोना संक्रमण भयो भन्ने अझै पत्ता लागेको छैन ।
T 4388 – I have just tested CoViD + positive .. all those that have been in my vicinity and around me, please get yourself checked and tested also .. 🙏
— Amitabh Bachchan (@SrBachchan) August 23, 2022
‘कौन बनेगा करोडपति १४’ को सेटमा अमिताभ क्रु सदस्यहरू बाहेक धेरै प्रतियोगीहरूसँग सम्पर्कमा आउँछन्। तर यस अवधिमा पूर्ण हेरचाह गरिन्छ र कोभिड प्रोटोकल पनि पालना गरिन्छ।
‘केबीसी १४’ बाहेक अमिताभ अरु धेरै प्रोजेक्टमा देखिनेछन् । जसमा छिट्टै रिलिज हुने फिल्म ‘उचाई’ र ‘ब्रह्मास्त्र’ पनि हो ।
अमिताभबाहेक छोरा अभिषेक र बुहारी ऐश्वर्या राय बच्चन पनि २०२० मा कोभिड पोजिटिभ भएका थिए। अमिताभ पहिलेदेखि कलेजो र स्वास्थ्य समस्याबाट ग्रसित भएकाले डाक्टरहरूले उनलाई थप सतर्क रहन सल्लाह दिएका छन् ।
