काठमाडौँ । नेपाल–अमेरिका मित्रताको झण्डालाई अमेरिकाको सबैभन्दा अग्लो शिखर माउन्ट देनालीको चुचुरोमा पुर्योउने टोलीलाई नेपालस्थित अमेरिकी राजदूतावासले सम्मान गरेको छ ।
नेपाल–अमेरिका सम्बन्धको ७५औँ वर्षगाँठको अबसरमा आरोहीको टोलीले मित्रताको झण्डालाईकेही नेपाली पर्वतारोहीले अमेरिकाको सबैभन्दा अग्लो शिख माउन्ट देनालीको चुचुरोमा पु-याएका थिए ।आज एक कार्यक्रमका बीच नेपालस्थित अमेरिकी राजदूत र्यान्डी बेरीले पर्वतारोहीहरुलाई बधाई ज्ञापन गर्नुका साथै सो झण्डा ग्रहण गर्नुभयो।
सो अवसरमा पर्वतारोहीहरुले अमेरिकाको सबैभन्दा अग्लो शिखरमा झण्डा पुर्याउँदाको अवस्थाबारे जानकारी गराउनुभएको थियो । उहाँहरुले सामान्यतया तीन हप्ता लाग्ने हिमाल तीन दिनमै आरोहण सम्पन्न गरेको बताउनुभएको थियो ।
नेपालस्थित अमेरिकी राजदूतावासले नेपाली पर्वतारोहीहरु कर्मा तेन्जिङ, मिङमा शेर्पा, छङ्दावा शेर्पा, मिङमा ग्याबु शेर्पा, जाङ्बु शेर्पा, पासाङ दावा शेर्पा, र कर्मा ग्याल्जे शेर्पाले नेपाल–अमेरिका मित्रताको झण्डालाई अमेरिकाको सबैभन्दा अग्लो शिखरमा पुर्याएको बताएको छ । यसअघि सोही झण्डा विश्वको सर्वोच्च शिखर सगरमाथाको चुचुरोमा पुर्याउने अभियानमा यो टोलीसँगै नेपाली पर्वतारोही पासाङग फुर्बा शेर्पा पनि सामेल हुनुहुन्थ्यो।
राजदूतावासले नेपाल–अमेरिका मित्रताको यो महत्वपूर्ण क्षणलाई अझै विशेष बनाइदिनुभएकोमा पर्वतारोहीहरूको सो समूहप्रति कृतज्ञता व्यक्त गरेको छ ।
