एजेन्सी । चर्चित भारतीय हास्यकलाकार राजु श्रीवास्तव अझै आईसीयूमा भेन्टिलेटरमा छन् । १० अगस्तमा राजु श्रीवास्तवलाई हृदयघात भएपछि अस्पतालमा भर्ना गरिएको थियो । उनको स्वास्थ्यमा धेरै उतारचढावहरू आएका छन् ।
प्राप्त जानकारी अनुसार हास्य कलाकारको अवस्था अझै नाजुक छ । उनको नयाँ दिल्लीको एम्स अस्पतालमा उपचार भइरहेको छ ।
यसैबीच, एक अज्ञात व्यक्ति राजु श्रीवास्तवको कोठामा पुगेर आईसीयूभित्र हास्य कलाकारसँग सेल्फी लिन थाले । ती मानिसलाई देखेर सबैजना डराए र हास्य कलाकारको सुरक्षाको लागि चिन्तित भए ।
अस्पतालका कर्मचारीले उक्त व्यक्तिसँग सोधपुछ गरेको छ । राजुको सुरक्षाका लागि आईसीयूबाहिर गार्डहरू तैनाथ गरिएको छ । अब अनुमतिबिना कसैलाई पनि भित्र जान दिइने छैन ।
राजु श्रीवास्तवका परिवारले भने हास्यकलाकारको स्वास्थ्यबारे जानकारी दिएका छैनन् । तर, कलाकार शेखर सुमनका अनुसार राजु श्रीवास्तवको स्वास्थ्यमा सुधार भइरहेको छ । अहिले उनको अंगले काम गरिरहेको छ ।
उनले लेखेका छन्, ‘उहाँको अंगले सामान्य रूपमा काम गरिरहेको छ। उहाँ अझै बेहोस भए पनि स्वास्थ्यमा तिब्र गतिमा सुधार भइरहेको चिकित्सकहरु बताउँछन् । महादेवको कृपा छ । हर हर महादेव ।’
