काठमाडौँ । काठमाडौँ महानगरपालिका नगर प्रहरी बलको प्रमुख नगर प्रहरी उपरीक्षक राजुनाथ पाण्डेले कार्यभार सम्हालेका छन् । भदौ २ गतेको निर्णयअनुसार उनले आइतबार पदबहाली गरेका हुन् ।
पदबहालीपछि उनले सहरी सुव्यवस्थापनका लागि नगर प्रहरीहरुलाई व्रिफिङ गरेका थिए ।
पाण्डे २०५० सालमा नगर प्रहरी सेवामा प्रवेश गरेका हुन् । २०७७ सालमा उनको नगर प्रहरी नायव उपरीक्षकबाट नगर प्रहरी उपरीक्षकमा पदोन्नति भएको थियो ।
२०७७ फागुन ४ गते बसेको विशेष नगर सभाबाट पारित भएको ‘काठमाडौं महानगरपालिका कर्मचारी समायोजन ऐन — २०७७’ को व्यवस्थाबाट समायोजन हुने क्रममा उनको पदोन्नति भएको हो ।
