काठमाडौं ।सत्तागठबन्धनका नेता तथा राष्ट्रिय जनमोर्चाका सासंद दुर्गा पौडेलले विवाह गरेर आउने बित्तिकै विदेशी महिलालाई नागरिकता दिने व्यवस्था गरिएको नागरिकता ऐन संशोधन विधेयक खारेज गर्न माग गर्नुभयो ।
उहाँले नागरिकता प्राप्त गर्ने धेरै विधि हुन्छन् भन्दै विवाह गर्ने वित्तिकै विदेशी महिलालाई नागरिकता दिन नमिल्ने बताउनुभयो । उहाँले कुनै पनि मुलुकमा विवाह गर्ने वित्तिकै नागरिकता पाइँदैन भन्दै विवाहित महिलाका निम्ति अंगिकृत नागरिकता दिन सात वर्ष तोकेरै जानुपर्छ भन्नुभयो ।
नागरिकता दिने विधिमा केही कमजोरी छन् भने त्यसलाई सुधारौँ भन्दै उहाँले खुला सीमा भएको हाम्रो मुलुकमा विवाह गरेकै आधारमा नागरिकता दिँदा नेपाल फिजी हुने खतरा रहेको औँल्याउनुभयो ।
बुधबार बसेको सत्तागठबन्धनको बैठकले राष्ट्रपति बाट पुन: बिचार गर्न आएको नागरिकता बिधेयक परिमार्जन नगरी पारित गर्ने निर्णय गरेको थियो ।
