काठमाडौँ । नेपालस्थित भारतीय राजदूतावासले आज काठमाडौँमा भारतको ७६ औँ स्वतन्त्रता दिवस मनाएको छ । भारत स्वतन्त्रताको ७५ वर्षको ऐतिहासिक उपलब्धिलाई सम्झना गर्न भारत सरकारले सन् २०२१ मा अघि सारेको आजादीका अमृत महोत्सवकै एक हिस्साका रुपमा रहेको भारतीय दूतावासले जनाएको छ ।
कार्यक्रममा दूतावासका काउन्सिलर प्रसन्न श्रीवास्तवले झण्डोत्तलन गर्दै भारतका राष्ट्रपति द्रौपदी मुर्मूले स्वतन्त्रता दिवसको अवसमा देशको नाममा गर्नुभएको सम्बोधन पढेर सुनाउनु भएको थियो ।
कार्यक्रममा दूतावासले भारतीय सशस्त्र बलका दिवंगत सैनिकका श्रीमती र नातेदारहरुलाई रु दुई करोड ६५ लाख प्रदान गरेको थियो । साथै आजादीका अमृत महोत्सव हाजिरीजवाफ प्रतियोगिताका विजेताहरुलाई पुरस्कृत गरेको थियो । कार्यक्रममा स्वामी विवेकानन्द सांस्कृतिक केन्द्र र केन्द्रीय विद्यालय काठमाडौँका शिक्षक तथा विद्यार्थीहरुले देशभक्ति गीतलगायतका प्रस्तुती गरेको दूतावासले जनाएको छ ।
