काठमाडौ । शक्तिशाली राष्ट्रको सैनिक, हातमा बन्दुक, अनि बसाई ब्यारेकमा । साथमा लाखौँ डलर । तर एउटा पुस्तकले पुरै जीबन नै परिबर्तन गरिदियो । क्रिश्चियन परिवारमा जन्मेको त्यही परिबेशमा हुर्केको ब्यक्ति एकाएक भगवान श्री कृष्णको अनन्य भक्त । भागवत गीता नै जीबनको गन्तब्य बनाएर हिड्नुभएको छ प्रा. डा .इगर ओभोलङ्कोभ अर्थात पत्रिदाश ।
अचेल उहाँको बाणीमा हरे कृष्ण हरे कृष्ण उच्चारित भैरहेको हुन्छ । सन् २००२ मा पहिलो पटक नेपाल आउनुभएका पत्रिदाशले वेदमा बिद्यावारिधि गर्नुभएको छ । आफूलाई श्रीकृष्णको पत्रवाहक ठानेर नाम पत्रिदास राख्नुभएका उहाँको जीबन यात्र पनि निकै रोमाञ्चक रहेको छ । रसीयन सैनिकको मेजर पदमा काम गरिरहँदा कमाण्डो तालिममा सहभागी हुने क्रममा एकजना आफूभन्दा माथिको सैनिक अधिकृतले भगवानको नाम लिन लगाएपछि आफूमा तत्काल आध्यात्मिक चेतना बढेको र त्यसपछि जागीर छोडेको हिडेपछि उहाँको नयाँ युग सुरु भएको हो ।
नेपाली, हिन्दी, संस्कृत, अंग्रेजी, युक्रेनी, रसीयन लगायतका १० भाषामा धारा प्रबाह बोल्न सक्ने पत्रिदाश यतिबेला भागबत गीता र हिन्दु संस्कारको सकारात्मक पक्षका बारेमा चर्चा गर्दै जनचेतना जगाउदै हिड्नुभएको छ ।सनातन हिन्दु धर्म र पूर्वीय दर्शनको विश्वमा प्रचार गर्दै हिन्दु धर्म संरक्षणमा सक्रिय रुसी नागरिक पत्रिदाश भगवान कृष्णका अनन्य भक्तका रुपमा रहदै आउनुभएको छ ।
हरे कृष्ण हरे कृष्ण हरे राम हरे राम भन्दै साथमा हार्माेनियमको मिठो धुनसहित कर्णप्रीय भजन गाउनुहुने पत्रिदाशले सबै धर्मको मुल धर्म सनातन धर्म भएको र सबैको मुल भगवान श्रीकृष्ण नै भएको भन्दै भक्तिभाव गर्ने गर्नुहुन्छ । बाईबलको समेत ज्ञाता रहनुभएका पत्रिदाशले जिसस क्राइस्टका बुबा खोज्दै हिँड्दा भगवान श्रीकृष्ण नै जिससका बुबा भएको सनातन हिन्दु धर्म र श्रीमद भागवत गीताबाट प्रमाणीत भएपछि श्रीकृष्णको भक्त बनेको सुनाउनु भयो ।
आत्म शान्ति र विश्वमा शान्ति स्थापना गरी मानव जगतलाई गीता ज्ञानबाटै एक सुत्रमा बाध्न सकिने उहाँको निष्कर्ष रहेको छ । कृष्णभक्तका रुपमा क्रियाशील संस्था अन्तर्राष्ट्रिय कृष्णभावनामृत संघ (इस्कोन) मार्फत १५० बढी भाषामा गीतालाई उल्थागरी विश्वमा गीता ज्ञान उहाँले पुर्याईरहनु भएको छ । बिसं १९९२ देखि भारत बसेर संस्कृत अध्ययन गरेर सारा हिन्दु शास्त्रहरुको अध्ययन गर्नुभएका पत्रिदाशले भन्नुभयो– जीवन बुझ्न संस्कृत भाषा अनिवार्य बुझ्नुपर्दछ ।
पत्रकारितामा मास्टर्स समेत गर्नुभएका पत्रिदाशले १९९५ मा भारतमा बैदिक सनातन धर्ममा पश्चिम बंगालबाट विद्यावारिधि गर्नुभएको छ भने विश्वका धेरै विश्वविद्यालयमा अतिथि प्राध्यापकका रुपमा संस्कृत विषय पढाउने गर्नुहुन्छ ।
उहाँले हाल काठमाण्डौ बुढानिलकण्ठमा ५२ रोपनी जग्गामा आश्रम निर्माण गरी ४० जिल्लामा आध्यात्मिक केन्द्र सञ्चालन उहाँको संस्थाले गरिरहेको छ । सस्थाले भक्ति बेदान्त अस्पताल सञ्चालन गरी निशुल्क सेवा समेत गरिरहेको छ ।
उहाँको निचाेड रहेको छ– श्रीमदभागवत गीता भगवान श्रीकृष्णद्वारा आफना घनिष्ठ मित्र अर्जुनलाई दिनुभएको आत्मज्ञानको सारले भरिएको अध्यात्मिक विज्ञान हो । त्यो सबैले लिनुपर्छ । सबै धर्मको मुल धर्म सनातन धर्म भएको र सबैको मुल भगवान श्रीकृष्णनै भएको भन्दै उहाको भक्तीभाव गर्न आग्रह गर्नुभयो ।
