काठमाडौँ । मिस नेपाल प्रियंकारानी जोशीलाई अमेरिकी सांसद् जेनिफर राजकुमारले सम्मान गरेकी छन् । नेपाली समाजको रोल मोडल बनेको र विद्युत् नपुगेको नेपाली गाउँमा सोलार परियोजना स्थापना सुरु गरेको भन्दै न्युयोर्कम सांसद राजकुमारीले उनलाई सम्मान गरेकी हुन् । मिस नेपाल प्रियंका अहिले न्युयोर्कमा छिन् ।
मिस वर्ल्डअन्तर्गत ब्युटी विथ पर्पसका लागि विद्युत् परियोजनाका लागि लगानी जुटाउन र मिस नेपाल नर्थ अमेरिकाको फिनालेमा भाग लिन उनी न्युयोर्क पुगेकी हुन् ।
सांसद जेनिफरले महिलाका लागि आदर्श पात्र तथा मिस नेपाल प्रियंकाको बाह्य सौन्दर्यलाई आन्तरिक सौन्दर्यले जितेको भन्दै प्रशंसा गरिन् । प्रियंकाले व्यावसायिक, सामाजिक र मानवीय कार्यमा योगदान पुर्याएको समेत सांसद जेनिफरको भनाइ थियो ।
जेनिफर न्युयोर्क एसेम्बलीअन्तर्गतको डिस्ट्रिक्ट ३८ की सदस्यसमेत हुन् । न्युयोर्कको डिस्ट्रिक्ट ३८ मा नेपालीहरुको ठूलो बसोबास छ ।
