काठमाडौं । प्रधानमन्त्री शेर बहादुर देउवा नेतृत्वको सरकामा अधिवक्ता गोविन्द बन्दी (शर्मा) मन्त्री बन्ने भएका छन्। माधवकुमार नेपाल नेतृत्वको नेकपा (एकीकृत समाजवादी)को तर्फबाट शर्मा मन्त्री बन्ने भएका हुन् ।
सांसद समेत नरहेका शर्मा अध्यक्ष नेपालका नातेदार पनि हुन् । नेपालले प्रधानमन्त्री देउवालाई आफ्नो कोटाबाट मन्त्री बनाउनु पर्ने सूचीमा बन्दीको नाम रहेको बताइएको छ।
मन्त्री बनेको खण्डमा उनको कार्यकाल गैरसांसदका रुपमा ६ महिनाको हुनेछ। उनी कानुनमन्त्री बन्ने लगभग तय भएको स्रोतले बताएको छ।
यस विषयमा सत्ता गठबन्धनभित्र समेत छलफल भइसकेको बताइएको छ। दैलेख स्थायी ठेगाना भएका उनलाई यसअघि सत्य निरूपण तथा मेलमिलाप आयोगको अध्यक्ष बनाउन खोजिएको थियो।
बन्दीले प्रतिनिधि सभा विघटन मुद्दामा रिट निवेदकको तर्फबाट बहस गरेका थिए।
