काठमाडौं। मसीर ४ गते हुने प्रतिनिधि र प्रदेशसभाको निर्वाचनको लागि निर्वाचन आयोगले कार्यतालिका स्वीकृत गरेको छ ।
आइतबार बसेको आयोगको बैठकले कार्यतालीका स्वीकृत गरेको हो । स्वीकृत भएको कार्यतालीका अनुसार असोज ११ गते मुख्य निर्वाचन अधिकृत तथा निर्वाचन अधिकृत नियुक्त र २१ गते मुख्य निर्वाचन अधिकृत तथा निर्वाचन अधिकृतको कार्यालय स्थापना गर्ने कार्यतालीका रहेको छ ।
असोज २३ गते प्रत्यक्षतर्फको उम्मेदवारी दर्ता गर्ने र उम्मेदवारको अन्तिम नामावली असोज २६ गते प्रकाशन गर्ने कार्यतालीका रहेको छ । उम्मेदबारको तय भएपछि आयोगले असोज २८ गतेदेखि मतपत्र छपाइ सुरु गर्ने भएको छ ।
निर्वाचनको लागि मङ्सिर १ गते राति १२ बजेदेखि मौन अबधी सुरु हुने र मङ्सिर ४ गते बिहान सात बजेदेखि पाँच बजेसम्म मतदान हुने कार्यतालीका आयोगले बनाएको छ ।
