काठमाडौं । नेपाली कांग्रेसका वरिष्ठ नेता रामचन्द्र पौडेल पक्षका नेताहरु छलफलमा जुटेका छन् ।
आसन्न १४ औं महाधिवेशनमा सभापतिसहित पदाधिकारीका उम्मेदवार चयन गर्न सो समूह अहिले बत्तिसपुतलीस्थित अनुपम फुडल्याण्डमा छलफलमा जुटेका हुन् ।
पौडेल समूहका सभापतिका आकांक्षीसहितका नेताहरु भेला भएको स्रोतले जानकारी दियो ।
सभापतिसहित पदाधिकारीको टीममा सहमति गर्न पछिल्लो समयदेखि नेताहरुबीच निरन्तर छलफल जारी छ ।
पौडेल समूहमा वरिष्ठ नेता पौडेलसहित महामन्त्री डा. शशांक कोइराला, पूर्वमहामन्त्री प्रकाशमान सिंह र केन्द्रीय सदस्य डा. शेखर कोइराला गरी सभापतिका चार आकांक्षी छन् ।
