काठमाडौं । प्रमुख विपक्षी दल नेकपा (एमाले)ले झलनाथ खनालसहित ६ जनाले पार्टी विभाजनमा गरेको सनाखत अवैध रहेको दाबी गरेको छ ।
एकीकृत समाजवादीलाई छुट्टै दलको मान्यता दिने आयोग निर्णयविरुद्ध सर्वोच्चमा रिट दायर गरेको एमालेले दल दर्ता गर्दा झलनाथ खनालको हस्ताक्षर नभएको भन्दै हस्ताक्षर नै नभएका व्यक्तिको सनाखत गर्नु कानूनविपरीत रहेको बताएको छ ।
आयोगले नै शुरू निवेदनमा नाम नभएको कारणले सनाखन नगराएको भन्दै एमालेले शुरू निवेदनमा नाम नहुनु र शुरू निवेदनमा हस्ताक्षर नहुनुमा कुनै फरक नभएको तर्क गरेको छ ।
यसै आधारलाई टेकेर प्रदीप नेपाल, धर्मनाथप्रसाद साह, रत्नेश्वर गोइत यादव , रविन्द्र वैठा धोवी र खगेन्द्र चुडालको समेत सनाखत कानूनसम्मत नभएको उक्त रिटमा एमालेको जिकिर छ।
