काठमाडौं । अमेरिकी राष्ट्रपति जो बाइडेनलाई दोस्रो पटक पनि कोभिड संक्रमण देखिएको छ । उनको दोस्रो पटकको परीक्षणका क्रममा पुनः पोजेटिभ देखिएको हो । पुनः कोभिड देखिएपछि उनी आइसोलसनमा बसेको ह्वाइट हाउसका चिकित्सकले बताएका छन् ।
उनलाई यही जुलाई २१ मा कोभिड देखिएको थियो । त्यसपछि उनी सात दिन आइसोलेसनमा बसेका थिए । ७९ वर्षीय बाइडेनले ‘शनिबार बिहान एन्टिजेन परीक्षणका क्रममा कोभिड पोजेटिभ देखिएको छ’, राष्ट्रपतिका चिकित्सक केभिन ओकोनरले एक सूचनामा लेखेका छन् । अमेरिकामा पछिल्लो पटक कोभिडको संक्रमण फेरि बढ्न थालेको छ ।
