काठमाडौं । नेकपा एमालेका उपाध्यक्ष एबं सांसद बिष्णु पौडेलले स्टेट पार्टनरसिप प्रोग्राम (एमपीपी)बारे अमेरिकालाई पठाएको पत्र सार्वजनिक गर्न माग गर्नुभएको छ ।
उपाध्यक्ष पौडेलले न्युजपोलारसँग भन्नुभयो ‘यस बिषयमा सरकारले संसदलाई जानकारी गराउनु सकारात्मक भए पनि सार्वभौम संसदले पत्र हेर्न पाउनु पर्छ ।’ उहाँले भन्नुभयो’संसदले त्यो पत्र हेर्न पाउनु पर्छ नत्र सरकार अर्को कुनै मौका कुरेर पनि संम्झौतालाई अगाडी बढाउने प्रयास गर्न सक्छ ।’
उहाँले भन्नुभयो ‘एसपीपी संम्झौतालाई अपरादर्शी र षडयन्त्रपूर्बक ढंगबाट अघि बढाउने प्रयास भएको थियो ,प्रमुख प्रतिपक्षदल एमाले र जनस्तरबाट बिरोध भएपछि सरकार बाध्य भएर एक कदम पछाडी हटेको छ तर फेरी मौका कुरेर बसेको जस्तो देखिएको छ ।’
मन्त्रीपरिषद्ले दुई साता अघि नै एसपीपी अस्वीकार गर्ने निर्णय गर्दे अमेरिकालाई पत्र पठाउने निर्णय गरेको थियो । तर पत्र पठाएको कुरा सार्वजनिक भएको थिएन ।
शुक्रबारको प्रतिनिधिसभाको बैठकमा परराष्ट्रमन्त्री डा नारायण खड्काले एसपीपी अस्वीकार गर्ने पत्र अमेरिकालाई पठाएको जानकारी गराउनु भएको थियो ।
