नेपाल भ्रमणमा अचानक आइपुगेका दक्षिण एवं मध्य एसियाली मामिला हेर्ने अमेरिकी सहायक विदेश मन्त्री डोनाल्ड लु फेरि राजनीतिक वृत्तमा चर्चामा छन् । खासगरी अमेरिकी स्टेट पार्टनरसिप प्रोग्राम (एसपिपी) को विषयले राजनीति तातिएको बेलामा लु ले आफू ३० वर्षअघि नेपाल घुम्न आएको र त्यसैबेला एक युवतीसँग प्रममा परेको रोचक भिडियो सार्वजनिक भएको छ ।
अमेरिकी दूतावासको ट्वीट मार्फत सार्वजनिक गरिएको त्यस भिडियोमा सहायक मन्त्री लु ले नेपाल अत्यन्त आकर्षक गन्तव्य मुलुक रहेको तथा एक युवतीसँग नेपाल घुमाईकै क्रममा प्रेम बसेको र पछि विवाह पनि भएको बताएका छन् ।
भिडियोमा उनले आफू सन् १९९३ मा पहिलो पटक नेपाल आएको बताएका छन् । अमेरिकी कुटनीतिक सेवा अन्तर्गत पाकिस्तानमा पोस्टिङ भएका लु घुमघामका लागि भारतको दार्जिलिङ हुँदै नेपाल आएका थिए ।
उनी भन्छन्, ‘भारतको सीमा काटेर आएपछि हामी सार्वजनिक बसमा चढ्यौं। त्यतिबेला म एकजना केटी साथीसँग आएको थिएँ। नेपाल आउँदासम्म हामी डेटिङ गइसकेका थिएनौं । बस चढेर हामी जनकपुर, सौराहा गयौं। बाँकी नेपाल घुम्दाघुम्दै हाम्रो माया बस्यो। अहिले हामी पति पत्नी भएका छौं।’
‘१९९३ मा आउँदा मलाई नेपाल निकै धनी लागेको थियो। कला, संस्कृति, प्राकृतिक सम्पदाले नेपाल निकै धनी छ। यो धेरै सम्भावना भएको देश हो भन्ने मलाई लाग्छ,’ उनले अगाडि भनेका छन् ।
‘‘नेपाल सधैँ मेरो मुटुको नजिक रहने ठाउँ हो किनकी म पहिलो पटक प्रेममा परेको यहीँ हो,’ लुले भनेका छन्।
Did you know that @State_SCA A/S Lu has a personal connection with Nepal? Watch to learn more!
के तपाईंलाई अमेरिकी सहायक विदेशमन्त्री Donald Lu को नेपाल नाताबारे थाहा छ। आफ्नो मनपर्ने नेपाल सम्झनाहरूबारे वहाँबाट सुन्नुहोस्। pic.twitter.com/39YmauRUPK— U.S. Embassy Nepal (@USEmbassyNepal) July 29, 2022
