काठमाडौँ । नेकपा माओवादी केन्द्रका पूर्वनिर्धारित प्रदेश बैठकहरु सारिएको छ । माओवादी केन्द्रका अध्यक्ष पुष्पकमल दाहाल ‘प्रचण्ड’ साउन २१ मा जापान जाने भएपछि प्रदेश बैठकका सेड्यूल हेरफेर भएको हो ।
बैठक हेरफेर भएसँगै प्रदेश नम्बर १ को २६ गते बैठक बस्ने भएको छ भने मधेसको बैठक २ गतेलाई सारिएको छ । त्यसैगरी , लुम्बिनी प्रदेशको २९ गते र सुदूरपश्चिमको वैठक ४ गते बस्ने भएको छ ।
यस्तै, प्रवासको बैठक ६ गतेलाई, विशेष प्रदेशको ४ गते र सम्पर्क मञ्चको बैठक ८ गते हुने भएको छ ।
पार्टी स्थायी कमिटीको वैठक भने १५ गते बस्ने भएको छ । बैठकमा पदाधिकारी चयनको विषयमा छलफल हुने माओवादीका प्रवक्ता कृष्णबहादुर महराले जानकारी दिएका छन् ।
