काठमाडौं । नेपाल वार एशोसिएसनका पूर्व उपाध्यक्ष एबं बरिष्ठ अधिवक्ता टिकाराम भट्टराईले संसदबाट पारित भएको नागरिकता बिधेयक राष्ट्रपतिले संविधानको धारा ११३ बमोजिम विधेयक प्रमाणिकरण नगरी पुनर्विचारका लागि फिर्ता गर्नु पर्ने सुझाब दिनु भएको छ ।
सामाजिक सञ्जालमा एक स्टाटस राख्दै अधिवक्ता भट्टराईले नागरिकता विधेयक दुबै सदनवाट पारित भए संगै बिदेशी नागरिकले बिबाह गरेको भोलिपल्ट नागरिकता पाउने बाटो सदाका लागि खुल्ला भएको बताउनु भएको छ ।
उहाँले यो विधेयक पारित गर्न लागि पर्ने दल र ब्यक्तिको हिसाब किताब सबैले गर्नु पर्ने नै भन्दै त्यस अघि संविधानको सरक्षण गर्ने र राष्ट्रियतको प्रतिकको रुपमा रहने सम्माननिय राष्ट्रपतिबाट संविधानको धारा ११३ बमोजिम यो विधेयक प्रमाणिकरण नगरी पुनर्विचारका लागि फिर्ता गरिनु आवश्यक रहेको जनाउनु छ ।
उहाँले नागरिकता बिधेयकमा यो बिषय बाहेक अरु बिषय भने ठिक रहेको जनाउनु भएको छ । उहाँले संसदीय समितिमा भएको दुई बर्षको मेहनत र सात बर्षको प्रावधान हटाउनु पर्ने वाध्यता रहस्यमए भएको भन्दैनागरिक आवाज बुलन्द पार्न आग्रह गर्नुभएको छ ।
