काठमाडौं । जनता समाजबादी पार्टी (जसपा) का नेता एबं मधेश प्रदेशका राज्यमन्त्री योगेन्द्रराय यादव कार्यकर्ताबाट कुटिएका छन् ।
श्रावण ९ गते सोमबार दिउसो साढे दुई बजे पार्टीकार्यालय बालकुमारी पुगेका राज्यमन्त्री यादवले पार्टी अध्यक्ष उपेन्द्र यादव को बारेमा नानाथरी टिप्पणी गरेपछि जसपा पार्टी संगै आबद्ध रहेको नेपाल ईन्जिनियरिंग समाजका केन्द्रीय सह–अध्यक्ष ई संजिव नारायण यादवले झापड हानेका थिए ।
राज्य मन्त्री यादवले गत स्थानिय निर्वाचनमा अध्यक्षले सहयाेग नगरेकाे ,प्रचार प्रसार नगरेकोले पार्टीको हार भएको र आफुलाई जानीजानी चुनाव हार्ने ठाउंबाट टिकट दिएको आरोप लगाएका थिए ।
अध्यक्ष यादब माथी निरन्तर गाली गलौज गरेपछि ई यादब र राज्यमन्त्री बीच भनाभन भएको थियो । भनाभन उग्र हुदै गएपछि उहाँहरु बीच कुटाकुट भएको थियो । उहाँहरु कुटाकुट भएको पल्लो कोठमा बसेका पार्टी अध्यक्षका स्वकिय सचिव सुभाष यादवले छुट्याएका थिए ।
