काठमाडौं । जनता समाजवादी पार्टी (जसपा) छाडेका पूर्वप्रधानमन्त्री डा. बाबुराम भट्टराईको पार्टीको नाम नेपाल समाजवादी पार्टी रहने भएको छ । पार्टीको चिन्ह भने आखाँ रहेको छ ।
भट्टराई समूहको आग्रहमा यसअघि नै आयोगमा दर्ता भएको समावेशी लोकतान्त्रिक पार्टीको नाम परिवर्तन गरेर निर्वाचन आयोगले नेपाल समाजवादी पार्टी घोषणा गरेको हो ।
अद्यावधिक भएको पार्टी नै अब डा.बाबुराम भट्टराईको नेतृत्वमा रहने बताइएको छ ।
भट्टराई समूहका एक नेताका अनुसार निर्वाचन आयोगले समावेशी लोकतान्त्रिक पार्टीको नाम परिवर्तन गरी नेपाल समाजवादी पार्टी र चुनाव चिह्न आँखालाई अद्यावधिक गरेको हो ।
सोही चिह्न यसअघि कुनैबेला भट्टराई नेतृत्वको नयाँ शक्ति पार्टीको थियो । अब यो पार्टीको केन्द्रीय समिति बैठक बसेर पदाधिकारी चयन गर्नेछ ।
