एउटा गुल्जार चोक
भय मिश्रित
अनगिन्ती शरिरहरु ,
शरिरहरुको शिर
अनगिन्ती टाउकाहरु !
मुडुलो / अर्ध मुडुलो ,
सेतै फुलेका / तिलचामल देखिने
घुम्रीलो / सलसल बग्दैका
निख्खर कालो / रङ्गिन पनि
कति हो कति ,
भयवित टाउकाहरु डोहोर्याउने
अनगिन्ती आखाहरु !
आखैपिच्छेका अनगिन्ती विविधता पनि !
तर समानता एउटै !
नजानिदो / नबुझिएको / गोलमटोल
भिमकाय डर !
*******
डरको आयतन बढाउने
नाडी पिच्छेका
फरक / फरक घडिहरु
आफ्नै नाडिको घडी देखि
तर्सिदो भिडमा
सामुहिक कल्याङ मल्याङ !
" आठ बज्न आट्यो "
अस्ताउदो समयको रफ्तार
झनै रफ्तारियो
सटरहरु भूई झरे
ताल्चाहरुका मुख थुनिए
वेवारिसे बेन्चहरु
घर छिरे
असरल्ल तरकारीको
गुन्टा कसियो
त्यही रफ्तारको हुर्मत लिदै
बज्यो कर्कस आवाज साईरनको
भिडको भाष्य फेरियो
" पुलिस आयो ! पुलिस आयो !! "
*********
साईरनको आवाज
कम ठान्ने वर्दिवालाले
आफ्नो आवाज मिसायो
आवाज निकाल्न झिजो मान्नेले
सिठ्ठी फुक्यो
समग्रमा ,
भयवित माहोल
झन भयङ्कर बन्यो
सिठी / साईरन अनि वर्दिको आवाजले
*******
करै कर
अनि
डरै डरमा
सुटुक्क उठ्यो एउटा आकृती
सायद
बेलुकाको छाकको जोहो
भएन आमैको
डर उसै थियो
अझै निराशा थपिदा
गुम्सिएको गगन झै भए
नाजुक नजरहरु
भाग्य बस !
मेरो छाकको
जोहो मिलेको थियो
गाँस मुखमा छिर्नेबेला
नगिचैको गिलास भित्र
तिनै भयवित / निरास
आखाहरु फालहाने
केहिछिन छचल्कियो पानी
पानी सङ सङै छचल्कियो
एकजोडी धमिलो नजर पनि
अन्त्यमा !
दुखी नजरको आवाज सुने
" बाबू , आजा मेरो उपवास भयो "
प्रभाव !
दुईथोपा आँसु
आमैका थिए
वा
मेरा ?
गिलाभित्र झरी गो
तप्प तप्प !!
