काठमाडौं । प्रधानसेनापति प्रभुराम शर्मा इन्डो प्यासफिक कमान्डद्वारा आयोजित विभिन्न मुलुकका सैनिक प्रमुखहरूको एक अन्तर्राष्ट्रिय सम्मेलनमा भाग लिन गएकोमा सत्तारुढदल नेकपा माओबादी केन्द्रले आपत्ति जनाएको छ ।
प्रतिनिधिसभाको सोमबारको बैठकमा माओवादी सांसद अञ्जना बिशखे र अमृता थापाले नेपालको असग्लन परराष्ट्रनीति बिपरित सम्मेलनमा भाग लिन गएको भन्दै त्यसबारे स्पष्ट पार्न सरकार संग माग गर्नुभयो ।
प्रधानसेनापति शर्मा गत शनिबार अष्ट्रेलिया जानु भएको छ । एसिया प्रशान्त क्षेत्रमा अवस्थित राष्ट्रका सेना प्रमुखको उपस्थितिमा हुने सम्मेलनमा विद्यमान अन्तर्राष्ट्रिय सुरक्षा एवं आपसी सहयोगका पक्षलाई समेटी विविध सुरक्षाका विषयमा छलफल हुनेछ ।
उक्त सम्मेलन साउन ९ देखि ११ गतेसम्म अष्ट्रेलियाको सिड्नीमा भै रहेको छ । सम्मेलनमा विसं २०५६ देखि नेपाली सेनाले निरन्तर सहभागिता जनाउँदै आएको छ ।
