पोखरा । प्रमुख विपक्षी दल नेकपा एमालेका अध्यक्ष केपी शर्मा ओलीले सरकारमा बस्नेहरुले कार्यकर्ता पठाएर ढुंगा हान्न लगाएको आरोप लगाएका छन् ।
शुक्रबार पोखरामा आयोजित पार्टी प्रशिक्षण कार्यक्रमलाई सम्बोधन गर्दै अध्यक्ष ओलीले सो कुरा बताएका हुन् ।
एमसीसी चाहिन्छ भनेर निवेदन हाल्नेलाई जोगाएर आफू बाटामा हिँड्दा ढुंगा हानिएको उनको टिप्पणी छ ।
‘तमासा पनि हदको हुन्छ नि, सरकारमा पनि उनै छन् । सरकारमा बस्नेहरुले कार्यकर्ता पठाएर सडक भत्काउन लगाउँछन् । प्रहरी देख्नै हुँदैन ढुंगा हान्न लगाउँछन् । मान्छे देख्दै हुँदैन ढुंगा हान्न लगाउँछन् । ढुंगा पनि कसलाई हान्ने भन्दा एमसीसी नेपालमा ल्याउन पाउ भनेर आफू प्रधानमन्त्री हुँदा चिठी लेखेर निवेदन हाल्ने झलनाथ खनाल बाटाबाट हिँड्दा ढुंगा हान्दैनन् । ताली बजाउँछन् ।’ ओलीले भने ।
ओलीले अगाडी भने, ‘यो गठबन्धन टुट्नु हुँदैन, गठबन्धन टुटे धुलोपिठो हुन्छन् । हामी पनि यो किस्ता–किस्तामा यता एउटा, उता एउटा छ यो भन्दा एकमुस्ट पाँच ओटा भए हुन्छ । यिनीहरुको हुती छ गठबन्धन टुटाएर एक्लै एमालेसँग लड्ने ?’
