काठमाडौं । कतार एयरवेज सहिद स्मारक ‘ए’ डिभिजन लिग फुटबल अन्तर्गत जावलाखेल युथ क्लब र संकटा क्लबले बराबरी खेलेका छन् ।
त्रिपुरेश्वरस्थित दशरथ रंगशालामा शुक्रबार भएको खेलमा जावलाखेल र संकटाले १–१ गोलको बराबरी खेलेका हुन्
खेलको १४ औं मिनेटमा सुनिल खड्काले गोल गर्दै जावलाखेललाई सुरुवाती अग्रता दिलाएका थिए ।
यता, खेलको ६१ औं मिनेटमा उत्तम राईले गोल गर्दै संकटालाई १–१ गोलको बराबरीमा ल्याए । सुबाश गुरुङको कर्नरमा उनले हेडर मार्फत गोल गरे ।
यस बराबरीसँगै सिजनको अन्त्यमा जावलाखेलले १३ खेलमा १४ अंक जोडेको छ भने संकटाले १३ खेलमा १६ अंक जोडेको छ ।
