काठमाडौँ । सभामुख अग्निप्रसाद सापकोटाले चालु बजेट अधिवेशनमा १५ वटा विधेयक पारित भएको बताउनुभएको छ ।
सोमबार पत्रकार सम्मेलन गर्दै उहाँले मन्त्री हेरफेर भएका कारण केही विधेयक पास गर्न नसकिएको जानकारी दिनुभयो । मन्त्रिपरिषद् हेरफेरका कारण केही विधेयक पास हुनुपर्ने पनि पारित गर्न नसकिएको उहाँको भनाइ थियो ।
विधेयक पारित गर्नतिर संसद् लागे पनि केहीमा ढिलाइ भएको उल्लेख गर्नुभयो । यद्यपि उहाँले केही महत्वपूर्ण विधेयक भने पारित भएको जानकारी दिनुभयो । उहाँका अनुसार केही विधेयक प्रक्रियामा छन् ।
चालु अधिवेशनमा पाँचवटा संसदीय समिति र विभिन्न संवैधानिक निकायका वार्षिक प्रतिवेदन पेस भएको जानकारी दिनुभयो । उहाँका अनुसार नागरिकतालगायतका विधेयक पारित गर्ने क्रममा रहेको बताउनुभयो ।
