• १४ बैशाख २०८१, शुक्रबार
  •      Fri Apr 26 2024
  •   Unicode
Logo
Latest
★   आमा को हुन् ?  ★   सबैभन्दा धेरै रेमिट्यान्स भित्र्याउने बैंकमा ग्लोबल आइएमई सम्मानित ★   ‘पूर्ण बहादुरको सारङ्गी’मा गायक तथा कलाकार प्रकाश सपुत अनुबन्धित ★   ‘बोक्सीको घर’ प्रदर्शनमा, उत्साहजनक ओपनिङ ★   बहुआयामिक व्यक्तित्व पूर्वमुख्यसचिव स्वर्गीय शाक्य  ★   वन डढेलो र आगलागी नियन्त्रणका लागि सकृय बन्न ७७ वटै जिल्लाका प्रमुख जिल्ला अधिकारीलाई गृहमन्त्रीको… ★   किसानको पीडा: आगोले गहुँबाली खायो, अब हामीले के खाने ! ★   इलाम २ उपनिर्वाचन: ४८० सेना, सशस्त्र प्रहरी ७१० र १३ सय ६३ जना नेपाल प्रहरी… ★   मेयर बालेनले ल्याए कविता संग्रह ★   ‘ऊर्जा सुरक्षाका लागि वैकल्पिक ऊर्जाको विकास निर्विकल्प’

मोदीसँग भेट भएन भनेर टेन्सन छैन–प्रचण्ड



काठमाडौं । नेपाल कम्युनिस्ट पार्टी माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’को भारत भ्रमणका क्रममा आइतबार भारतीय प्रधानमन्त्री नरेन्द्र मोदीसँग भेटवार्ता गर्ने कार्यक्रम तय भए तापनि भेट भने हुन सकेन ।

तीन दिने भारत भ्रमणबाट आइतबार स्वदेश फर्केका प्रचण्डले त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा भारतीय प्रधानमन्त्री मोदीसँग के कारणले भेट हुन नसकेको भन्ने आफूलाई पनि थाहा नभएको बताउनुभयो । उहाँले भन्नुभयो– ‘ आज १ बजेदेखि प्रधानमन्त्री मोदीसँग भेट हुन्छ भन्ने थियो, १ बज्न लागेपछि हतार गरेर निस्कियौं । होटल जाने क्रममा अहिले सम्भव भएन भन्ने आयो । किन हो भन्ने कुरा तपाईंहरू जस्तै मलाई पनि थाहा छैन ।’

उहाँले भेट हुन नसके पनि आफूलाई कुनै तनाव नभएको जिकिर गर्दै भन्नुभयो– ‘मलाई भेट भएन भनेर टेन्सन पनि भएको छैन । भेटेको भए त्यही फोटो खिच्ने कुरा त हुन्थ्यो होला त्योभन्दा बढी हुँदैनथ्यो ।’ उहाँले भारतमा बाढीले जनधनको ठूलो क्षति भएको र मोदी त्यसमा व्यस्त भएकाले भेट स्थगित भएको पनि हुनसक्ने अनुमान व्यक्त गर्नुभयोे ।

प्रचण्डले मोदीसँग भेट नभए पनि भारत भ्रमणका क्रममा भारतका विदेशमन्त्री, भारतीय जनता पार्टीका अध्यक्षसहितका शीर्ष तहमा भएको भेटवार्ता फलदायी भएको दाबी गर्नुभयो । नेपाल समाचारपत्र