• ६ बैशाख २०८१, बिहीबार
  •      Thu Apr 18 2024
  •   Unicode
Logo
Latest
★   दाहाल, ओली र रविबीच भेटः राजनीतिक घटनाक्रमबारे समीक्षा ★   राष्ट्रिय मानव अधिकार आयोगको सचिवमा मुरारीप्रसाद खरेल नियुक्त ★   चीनको केन्द्रीय बैंकका पूर्वडेपुटी गभर्नरमाथि घुस लिएको आरोप ★   अल्पमत भयो भन्दैमा कुर्सी छोडेर हिँड्ने भन्ने हुँदैन, प्रक्रिया पूरा गर्नुपर्छः उद्धव थापा ★   मुनाफा नभए पनि टेलिकमले दूरदराजमा गुणस्तरीय सेवा दिनुपर्छः मन्त्री शर्मा ★   सुदूरपश्चिमको मुख्यमन्त्रीमा एकीकृत समाजवादीका सोडारी नियुक्त ★   मधेशका मुख्यमन्त्री यादवले गरे मन्त्रीपरिषद् बिस्तार ★   कोशी प्रदेश सभामा संकल्प प्रस्ताव टेबलः मागियो मुख्यमन्त्रीको राजीनामा ★   अरुको जस्तो मेरो पाइपलाइनमा १० वटा फिल्महरु छैनन्, अर्को फिल्म के हुन्छ थाहा छैनः अनमोल… ★   अल्पमत भयो भन्दैमा कुर्सी छोडेर हिँड्ने भन्ने हुँदैन, प्रक्रिया पूरा गर्नुपर्छ: उद्धव थापा

आइपिएल २०२२ः दुई समूहमा बाँडियो १० टिम, २६ मार्चदेखि २९ मेसम्म चल्ने



एजेन्सी । आइपिएल २०२२ को सुरुवात मार्च २६ बाट सुरु हुने र प्रतियोगिताको फाइनल मे २९ मा खेलिने भएको छ । शुक्रबार बसेको आईपीएल गभर्निङ काउन्सिलले यस्तो निर्णय गरेको हो । लिग चरणका सबै ७० खेल महाराष्ट्रमा हुनेछन् भने ५५ खेल मुम्बईमा र १५ खेल पुणेमा हुनेछन् ।

यस्तै, २० खेल मुम्बईको वानखेडे स्टेडियम र डा डीवाई पाटिल स्टेडियममा हुनेछन् भने १५ खेल ब्रेबोर्न स्टेडियममा हुने भएका छन्। यस्तै, बाँकी १५ खेल पुणेको एमसीए इन्टरनेशनल स्टेडियममा हुनेछन् । 

यद्यपि, प्लेअफ खेलहरू कहाँ हुनेछन् भन्नेबारे आधिकारिक धारणा भने आएको छैन । सबै १० टोलीले वानखेडे र डीवाई पाटिलमा ४–४ खेल खेल्नेछन् । यसबाहेक उनले पुणे र ब्रेबोर्नमा ३–३ खेल खेल्नुपर्ने जनाइएको छ । 

२०११ पछि आईपीएलको इतिहासमा दोस्रो पटक, सबै १० टोलीलाई दुई फरक समूहमा विभाजन गरिएको छ । समूह 'ए' मा मुम्बई इन्डियन्स, कोलकाता नाइट राइडर्स, राजस्थान रोयल्स, दिल्ली क्यापिटल्स र लखनउ सुपर जायन्ट्स राखिएको छ । योसँगै समूह 'बी' मा चेन्नई सुपर किंग्स, सनराइजर्स हैदरावाद, रोयल च्यालेन्जर्स बैंग्लोर, पञ्जाब किंग्स र गुजरात टाइटन्स परेका छन् ।

प्रत्येक टोलीले आफ्नो समूहमा एकअर्कासँग दुई पटक खेल्ने मौका पाउनेछन् । अर्को समूहको कुनै एक टोलीसँग दुई खेल हुनेछन्। यसपछि दोस्रो समूहका बाँकी ४ टोलीसँग १–१ खेल हुनेछ ।

लिग चरणमा सबै १० टोलीले १४–१४ खेल खेल्नेछन् । १४ खेलमध्ये ७ खेल घरेलु मैदानमा हुनेछन् भने ७ खेल अन्य मैदानमा हुनेछन् । प्रत्येक टोलीले ५ टोलीसँग दुई पटक खेल्नेछ भने बाँकी ४ टोलीले एउटा मात्र खेल खेल्नेछन् । लिग राउण्डपछि चार प्लेअफ खेल हुनेछन्, जसको स्थान र मिति भने तय भइसकेको छैन।