काठमाडौँ । नेकपा (एमाले) ले बाजुराको बुढीगंगा नगरपालिकाको प्रमुख र उपप्रमुख दुवै पदमा विजयी भएका छन् । एमालेबाट प्रमुखका लागि उम्मेदवार बनेका रामबहादुर बानियाँ विजयी बनेका हुन् । उहाँका प्रत्याशी नेपाली कांग्रेसका उम्मेदवार रंगबहादुर खाती रहनु भएकाे थियाे ।
त्यस्तै उपप्रमुख पदमा पनि एमालेबाटै मायाकुमारी खड्का विजयी बनेकी छन् ।
मतगणनाअनुसार १० वटा वडामध्ये ७ वडाध्यक्षसहित एमालेका उम्मेदवार विजयी भएका हुन् । नेपाली कांग्रेसले ३ वटा वडा जितेको छ । वडा नम्बर १, २, ३ , ५, ७ ९, र १० मा एमाले ४, ७ र ८ को अध्यक्षमा कांग्रेसका उम्मेदवार विजयी भए ।
मेयरमा एमालेका रामबहादुर बानियाँले ४ हजार ७७७ मत पाउँदा कांग्रेसका रंगबहादुर खातीले ३ हजार ७७३ मत ल्याए। त्यस्तै
उपमेयरमा एमालेकी मायाकुमारी खड्का ४ हजार ७२७ मतसहित विजयी भइन् भने कांग्रेसकी रिता शाहीले ३ हजार ७५५ मत ल्याइन् ।
बुढीगंगामा कूल नौ हजार ११७ मत खसेको थियो ।
