एजेन्सी । जापानका पूर्वप्रधानमन्त्री शिन्जो आबेको निधन भएको छ । ६७ वर्षीय आबे चुनावी प्रचारका लागि पश्चिमी जापानको नारा सहर पुगेका थिए । यहाँ भाषणको क्रममा एक पूर्व सैनिकले उनीमाथि गोली हानेका थिए ।
२००६ मा, आबे पहिलो पटक जापानको प्रधानमन्त्री बने । उनी देशका सबैभन्दा कान्छो प्रधानमन्त्री थिए । त्यतिबेला उनको उमेर ५२ वर्ष थियो । २०१२ मा उनले दोस्रो पटक प्रधानमन्त्रीको जिम्मेवारी सम्हालेका थिए । उनले स्वास्थ्य समस्याका कारण २८ अगस्ट २०२० मा पदबाट राजीनामा दिएका थिए ।
राजीनामा दिएपछि पनि उनी राजनीतिमा सक्रिय थिए । गोली लागेको बेला पनि उनी चुनाव प्रचारमा थिए । सन् १९५४ सेप्टेम्बरमा टोकियोमा जन्मिएका शिन्जो आबे राजनीतिक परिवारका हुन् । उनका बुबा विदेशमन्त्री थिए । उनका हजुरबुबा जापानका प्रधानमन्त्री भइसकेका छन् ।
आबेको यो पारिवारिक तस्बिर बाल्यकालको हो । यहाँ उनी हजुरबुवाको काखमा देखिएका छन् । तस्बिरमा आबेका बुबा शिन्तारो (दायाँ), आमा योको (उभिरहेको) र जेठो दाई हिरोनोबु (बायाँ)पनि देखिएका छन्।यो तस्बिर आबेको बाल्यकालको हो । यहाँ उनी आमाको काखमा (बिचमा) बसेका छन् । उनका भाइ हिरोनोबु पनि बुबाको काखमा बसेका छन् । जापान टाइम्सका अनुसार शिन्जो (दायाँ) आबे पढाइमा निकै तेज थिए । कलेज पढ्दादेखि नै राजनीतिमा रुचि थियो । कुनै बेला उनी थिएटर कलाकार पनि थिए । यहाँ 1970 मा एक साथीसँग ।तस्बिर सन् २००७ को हो । त्यसपछि सिन्जो आबे एक वर्ष मात्रै प्रधानमन्त्री बने । उनको पहिलो कार्यकालमा, यो स्पष्ट थियो कि उनी कठोर निर्णय लिने नेता हुन् । उनका लागि जापानको सुरक्षा पहिलो थियो ।अमेरिका र जापानबीचको सम्बन्ध सधैं बलियो रहँदै आएको छ । दुई देशबीच सुरक्षा सम्झौता पनि भएको छ । यसअन्तर्गत अमेरिकाले कुनै पनि आक्रमण भएमा जापानको सुरक्षा गर्नेछ । यहाँ आबे 2017 मा ट्रम्पसँग ।सिन्जो पछिल्लो पटक भारत भ्रमणमा आउँदा प्रधानमन्त्री मोदीले उनलाई अहमदाबाद विमानस्थलमा स्वागत गरेका थिए । दुई नेताले लामो समय अँगालो मारेका थिए । यस क्रममा बुलेट ट्रेनको बारेमा छलफल महत्त्वपूर्ण थियो ।आबे चुनावी प्रचारका क्रममा । जापानमा उनलाई राजनीतिक आक्रामक नेता पनि भनिन्छ । संसदमा उनले कयौं पटक जापान रक्षाको मामिलामा आत्मनिर्भर हुनुपर्ने बताएका छन् ।आबे सन् २०१२ मा दोस्रो पटक जापानको प्रधानमन्त्री बने । यो तस्वीर उनको दोस्रो कार्यकालमा खिचिएको हो । यहाँ उनी आफ्नो अध्ययन कोठामा बसिरहेका छन्।यो सन् २०२० को कुरा हो । आबेको स्वास्थ्य दिनप्रतिदिन नाजुक हुँदै गइरहेको थियो । उनले कुर्सी छोड्ने निर्णय गरे । उनको यो निर्णयबाट जापानका अधिकांश मानिसहरु असन्तुष्ट थिए । उनको नजरमा आबे उत्कृष्ट प्रधानमन्त्री थिए ।
