काठमाडौं । नेपाल राष्ट्र बैंकले नेपालमा कुनै पनि प्रकारका क्रिप्टोकरेन्सीको कारोबार, प्रयोग, माइनिङ गैरकानुनी रहेको भन्दै यस्तो कारोबारमा संलग्न नहुन सचेत गराएको छ ।
बैंकद्वारा आज जारी विज्ञप्तिमा हालका दिनहरुमा क्रिप्टोकरेन्सीको कारोबार, प्रयोग, माइनिङ जस्ता कार्यमा संलग्न हुन प्रोत्साहन गर्ने, गराउने समेत गरेको पाइएको उल्लेख छ ।
यस्ता कार्यबाट सर्वसाधारणहरु ठगिएको र ठगिन सक्ने देखिएको हुँदा कसैले त्यस्तो कार्य गरे, गराएको पाइएमा प्रचलित कानुन बमोजिम सजाय हुने पनि बैंकले जनाएको छ ।
बिट्क्वाइन जस्ता कतिपय क्रिप्टोकरेन्सीको कारोबार नेपालबाटै हुन थालेका खबरहरु सार्वजनिक भएपछि बैंकले यस्तो सूचना जारी गरेको हो ।
