काठमाडौं । नेपाल कम्युनिष्ट पार्टी एकता राष्ट्रिय अभियानका संयोजक बामदेव गौतम आज नयाँ राजनीतिक दल खोल्ने तयारीमा रहेका छन् ।
गौतमले रिपोर्टर्स क्लबमा दिउँसो ३ बजे पत्रकार सम्मेलन गर्दै आफ्नो नयाँ दलको घोषणा गर्न लागेका हुन् । यद्यपी, गौतमले खोल्न लागेको नयाँ दलको नाम भने खुलाईसकिएको छैन ।
पछिल्लो समय नेकपा विभाजन पश्चात् छुट्टै अभियानमा रहेका गौतमले आफू पक्षधरको भेला गर्दै आएका थिए । त्यस्तै गत प्रतिनिधि सभा चुनावमा बर्दियाबाट पराजित गौतमलाई तत्कालीन नेकपा सरकारले राष्ट्रिय सभा सदस्यमा सिफारिस गरेको थियो।
मन्त्रिपरिषद्को सिफारिसमा उनलाई राष्ट्रपति विद्यादेवी भण्डारीले राष्ट्रिय सभा सदस्य नियुक्त गरेकी थिइन् ।
एमाले र नेकपामा हुँदा गौतम उपाध्यक्ष समेत रहेका थिए ।
