एजेन्सी । युक्रेनमा रुसको आक्रमण लगातार चौथो दिन पनि जारी छ । रुसी आक्रमणमा ३३ बालबालिकासहित हालसम्म १९८ जनाको मृत्यु भएको युक्रेनले दाबी गरेको छ । यसबाहेक १ हजार ११५ जना घाइते भएका छन् ।
युक्रेनी अधिकारीहरूले रुसी आक्रमणका कारण चेर्नोबिल आणविक प्लान्ट नजिकैको विकिरण एक्सपोजर २० गुणा बढेको बताए ।
यस क्षेत्रमा रुसी सेनाको आन्दोलनमा रेडियोधर्मी धुलो चारैतिर फैलिएको छ । तर, यो अझै गम्भीर अवस्थामा पुगेको छैन ।
रुसी सेनाले राजधानी किभ, उत्तरपूर्वी सहर खार्किभ र दक्षिणी सहर खेरसनमा सबैभन्दा बढी कठिनाइको सामना गरिरहेको बताइएको छ ।
यी तीन सहरमा युक्रेनी सेनाले पछिल्लो २४ घण्टादेखि रुससँग प्रत्यक्ष प्रतिस्पर्धा गर्दै आएको छ । संयुक्त राष्ट्रसंघका एक अधिकारीले जनाए अनुसार हालसम्म १.५० लाखभन्दा बढी युक्रेनी शरणार्थी पोल्याण्ड, मोल्डोभा र रोमानिया पुगिसकेका छन् ।
