हेटौँडा । हेटौँडा उपमहानगरपालिकामा नेकपा (एमाले) का जनप्रतिनिधिहरुले कार्यपालिका बैठक बहिष्कार गरेका छन् । मंगलबारको बैठकमा आफ्नो माग पूरा नहुने भएपछि कार्यपालिका बैठक बहिष्कार गरेका हुन् । एमाले जनप्रतिनिधिले बैठकमा दुई बुँदे कार्यविधि संशोधन प्रस्ताव राखेका थिए ।
बैठकमा एमालेले बैठक सञ्चालन कार्यविधि, २०७४ को १५९२० र १५९३० मा रहेको व्यवस्थालाई संशोधन गर्न प्रस्ताव गरेको थियो । हेटौँडा उपमहानगरपालिकामा एमालेको बहुमत छ ।
सो मागका विषयमा उपमहानगर प्रमुख र उपप्रमुख लचिलो नभएको एमालेले जनाएको छ । आफ्नो प्रस्ताव संशोधन नहुने भएपपिछ बाध्य भएर एमाले जनप्रतिनिधिले बैठक बहिष्कार गरेका हुन् ।
यही असार १० गते हुने नीति तथा कार्यक्रमको तयारीका लागि कार्यपालिका बैठक बसेको थियो । बैठकमा नियमसम्मत र मर्यादापूर्वक आफ्ना मागहरु राखेको तर प्रमुख र उपप्रमुखले दम्भ देखाएको एमालेका जनप्रतिनिधिको आरोप छ ।
हेटौँडा उपमहानगरपालिकामा एमालेबाछ १८, नेपाली कांग्रेसबाट ९ र नेकपा (एकीकृत समाजवादी) बाट दुई जना सदस्य छन् । नगरसभामा समेत ५१ सदस्यसहित एमालेको बहुमत छ ।
