काठमाडौं । काठमाडौं महानगरपालिकाका मेयर बालेन साहले स्थानीय तह निर्वाचनमा आफूले गरेको खर्च विवरण सार्वजनिक गर्नुभएको छ । सामाजिक संञ्जाल मार्फत साहले चुनाबी खर्च सार्बजनिक गर्नुभएको हो ।
उहाँले ढिला गरी खर्च बिवरण सार्वजनिक गरेकोमा माफी समेत माग्नु भएको छ । उहाँले सामाजिक सञ्जालमालेख्नु भएकाे छ – ‘खर्चको विवरण केहि समय अगाडि नै सार्वजनिक भइसक्नु पर्ने थियो तर विभिन्न कारणहरूले सो ढिलो भएकोमा माफी चाहन्छौँ । हाम्रो चुनावी अभियानमा जम्मा खर्च तीन लाख चौरानब्बे हजार चार सय उनान्नब्बे रुपैयाँ (रु. ३,९४,४८९) भएको छ ।
जसमा मतगणनाको समयमा मात्रै १ लाख भन्दा बढी भएको थियो । मतगणना ढिलो भएर निर्वाचन प्रक्रियालाई लामो र बोझिलो मात्रै बनाएको छैन, उम्मेदवारका लागि महँगो बनाइरहेको छ ।
यसमा सबैको ध्यान जान जरुरी छ । र, भन्नै पर्ने कुरा छ ९ एउटा उम्मेदवारका रूपमा हामीले जुन साथ र विश्वास पायौँ, त्यसलाई संसारको सबै भन्दा शक्तिशाली कम्प्युटरले जस्तो सुकै तालिकामा कुनै पनि सङ्ख्या राखेर देखाउन सक्दैन । त्यो अमूल्य साथ र विश्वासले दिएको जिम्मेवारी पुरा गराउन हामी हरसमय खटिरहनेछौँ ।’
