एजेन्सी । रुसी सेनाले केही वर्षदेखि बन्द रहेको चेर्नोबिल आणविक उर्जा केन्द्र कब्जा गरेको छ । पावर प्लान्ट उत्तरी युक्रेनी सहर चेर्नोबिल र प्रिप्याट शहर नजिकै अवस्थित छ।
१९८६ मा, चेर्नोबिल आणविक ऊर्जा प्लान्टले संसारको सबैभन्दा खराब आणविक प्रकोप देखेको थियो । यो डरलाग्दो आणविक दुर्घटनाले चेर्नोबिल र प्रिप्याट दुबै शहरहरूबाट लाखौं मानिसहरूको पलायन भएको थिायो । यस दुर्घटनामा मारिएका मानिसहरूको वास्तविक संख्या अझै थाहा हुन सकेको छैन ।
रुसले आणविक उर्जा केन्द्र किन बन्द गर्यो ?
१. उत्तरी युक्रेनको चेर्नोबिल सहर बेलारुससँगको युक्रेनी सीमाबाट मात्र १० माईल टाढा छ । बेलारुस रूसको प्रमुख सहयोगी हो । रक्षा विशेषज्ञहरू विश्वास गर्छन् कि रसियाले चेरनोबिल कब्जा गरेको कारण यो युक्रेनी सेनामाथि आक्रमण गर्ने सबैभन्दा द्रुत स्थल मार्ग हो ।
२. चेर्नोबिल सिमानाको एकदमै नजिक रहेको हुनाले सहज लक्ष्यका रूपमा हेरिएको थियो । साथै, आणविक दुर्घटनाका कारण यो सम्पूर्ण क्षेत्र वरिपरि २६०० किलोमिटरको ‘बहिष्करण क्षेत्र’ रहेको छ । ‘बहिष्करण क्षेत्र’ भएकाले यहाँको सुरक्षा युक्रेनको बाँकी अन्तर्राष्ट्रिय सीमा क्षेत्रको तुलनामा निकै हलुका छ ।
३. पूर्व अमेरिकी सेना प्रमुख ज्याक केनले चेर्नोबिलको 'कुनै सैन्य महत्व' नभएको तर यसको स्थानले युक्रेनी सरकारलाई ध्वस्त पार्ने रुसको रणनीतिमा यो महत्त्वपूर्ण भएको बताए ।
४. रुसी सेनाले युक्रेनमा आक्रमण गर्न प्रयोग गरेका चार मार्गमध्ये चेर्नोबिल एउटा हो भन्ने विज्ञहरू विश्वास गर्छन् । अन्य तीन मार्गहरू मध्ये एउटा बेलारुसतर्फ जान्छ भने युक्रेनी सहर खार्किभमा अग्रगामी दक्षिणतर्फ, र रुसी-नियन्त्रित क्रिमियाबाट उत्तरतर्फको खेरसन सहरतिर जाने बाटो रहेको छ ।
५. रूसले युक्रेनी राजधानी किभको नजिकको कारण चेर्नोबिल तुरुन्तै कब्जा गरेको बताइन्छ । यो शहर युक्रेनको राजधानीबाट मात्र १३० किलोमिटर टाढा रहेको छ ।
