समयमै वर्षा भएका कारण नेपालभर नै धान खेती राम्रो अवस्थामा रहेको रिपोर्टहरु आइरहेका छन् । पहाडी भेगमा त किसानले आधाउधी धान लगाइसकेका छन् ।
धान खेतीका लागि उर्बर मानिएको ललितपुरको दक्षिणी भेगमा पनि धान रोपाईं शुरु भएको छ । हाल ललितपुर महानगरपालिका वडा नं २१ मा रहेको खोकनामा किसानलाई धान रोप्न भ्याइनभ्याइ छ । शहरीकरणका लागि यहाँका मलिला र उब्जाउ धानखेतहरु खण्डीकरणको मारमा परे पनि केही जग्गाजमिनमा अझै पनि बालीनाली लगाउने प्रचलन छ ।
यहाँका किसान अहिले खेतमा धान रोप्न व्यस्त छन् ।
तस्बिरहरुः चन्द्रकला क्षेत्री/रासस
