काठमाडौँ । गृहमन्त्री बालकृष्ण खाणले अमेरिकाको स्टेट पार्टनरसीप प्रोग्राम (एसपीपी) मा नेपाल सहभागी नहुने बताएका छन् ।
प्रधानमन्त्री एवं रक्षामन्त्री शेरबहादुर देउवाका तर्फबाट प्रतिनिधिसभामा विनियोजन विधेयकमाथि सांसदहरुले उठाएको प्रश्नको जवाफ दिँदै गृहमन्त्री खाणले नेपाल कुनै पनि सैन्य गठबन्धनमा सहभागी नहुने स्पष्ट गरे ।
यद्यपि उनले एमसीसी र एसपीपी फरक फरक विषय भएको बताए । केही सांसदहरुले एमसीसीकै कारणले एसपीपी आएको हो कि भन्ने प्रश्न गरेको भन्दै उनले दुवै एकै नभएको बताए ।
“एमसीसी सुरुदेखि नै पास गर्नुपर्छ भन्यौँ र गर्यौँ पनि”, उनले भने, “नेपाल अब एसपीपीमा जाँदैन भनेका छौँ, नेपाल कुनै पनि हालतमा एसपीपीमा जाँदैन ।”
